💦 ကောင်းတဲ့အသိုင်းအဝိုင်းမှာနေချင်ရင် 💦�
💐💐💐
ဒေါသဆိုတာဟာ ကူးစက်တတ်တဲ့ရောဂါတစ်မျိုးဖြစ်တယ်။ ဒေါသကြီးတတ်တဲ့သူရဲ့အနားမှာကြာကြာနေရင် ကိုယ်ပါဒေါသဖြစ်တတ်လာတယ်။ အလိုမကျတာတွေ အဆင်မပြေတာတွေကို အမြဲပြောနေတတ်တဲ့သူရဲ့အနားမှာနေရင် ကိုယ်က နဂိုကဒေါသဖြစ်စရာလို့မထင်တဲ့ကိစ္စမျိုးတောင်မှ ဒေါသဖြစ်စရာဖြစ်လာတယ်။ ဒါကြောင့် မကျေနပ်စရာကိုအမြဲတမ်းပြောနေတတ်တဲ့သူမျိုးကို သတိထားပါ။ သူကဒေါသဖြစ်လို့ တစ်ခုခုကိုဒေါသနဲ့ပြောရင် ကိုယ်ပါသူ့နောက်ကိုလိုက်ပြီးတော့ဒေါသဖြစ်မနေအောင် သတိရှိနေဖို့လိုတယ်။ ဖြစ်နိုင်ရင်တော့ သူ့ဒေါသလျော့သွားအောင် အေးအေးဆေးဆေးဖျောင်းဖျပေးပါ။

               အရည်အချင်းမြင့်တဲ့သူတွေက ပိုပြီးစိတ်တိုတတ်တယ်။ ဖြစ်သင့်တာနဲ့ဖြစ်နေတာနဲ့ခြားနားချက်ကို သူတို့ကောင်းကောင်းသိတယ်။ ဥာဏ်ပိုရှိလို့ လွဲနေတာ၊မှားနေတာကို မြင်တယ်။ ပိုကောင်းအောင်ဘယ်လိုလုပ်ရမလဲဆိုတာကို သူတို့ ရှင်းရှင်းလင်းလင်းမြင်တယ်။ ဥာဏ်ပိုရှိလို့ ပိုကောင်းအောင်လုပ်ချင်စိတ်လည်းရှိတယ်။ အောင်မြင်တဲ့သူဆိုတာ ကံ ဥာဏ် ဝီရိယ သုံးမျိုးလုံးကောင်းလို့ပါ။ ဒါကြောင့် အလုပ်ကိုပြီးလွယ်အောင် သက်သာခိုပြီးလုပ်တတ်တဲ့သူမျိုးနဲ့တွဲပြီးလုပ်ရရင် ကောင်းသထက်ကောင်းအောင်လုပ်ချင်တဲ့သူဟာ မကြာခဏစိတ်တိုရတော့တယ်။

                ပျင်းတဲ့သူတော်တော်များများဟာ စိတ်တော်တော်ရှည်တယ်။ သူတို့ပြောလေ့ရှိတဲ့စကားတစ်ခုက "မရှိလို့လုပ်စား ဖြည်းဖြည်းပေါ့"တဲ့။ ဝီရိယကြီးတဲ့သူဟာ အဲဒီလိုဖြည်းဖြည်းပေါ့ဆိုတဲ့သူမျိုးနဲ့တွဲလုပ်ရရင် စိတ်မကြာခဏတိုရမှာသေချာတယ်။ ကိုယ့်လုပ်ဖော်ကိုင်ဖက်တွေရဲ့ စိတ်ထားနဲ့အရည်အချင်းမြင့်လာအောင် တတ်နိုင်သလောက်လုပ်ပါ။ အားလုံးစိတ်ထားမြင့်လာရင် အားလုံးအတွက်ကောင်းပါတယ်။ ကောင်းတဲ့အသိုင်းအဝိုင်းမှာနေချင်ရင် ကောင်းတဲ့အသိုင်းအဝိုင်းဖြစ်လာအောင် ကိုယ့်ဖက်ကတတ်နိုင်သလောက် ကြိုးစားဖို့လိုတယ်။ လူတိုင်းဟာ လူ့အသိုင်းအဝိုင်းထဲမှာနေရတယ်။ ဒါကြောင့် လူတိုင်းမှာ လူ့အသိုင်းအဝိုင်းနဲ့ပတ်သက်ပြီး တာဝန်ရှိတယ်။ အားလုံးကောင်းဖို့ အားလုံးမှာတာဝန်ရှိတယ်။ ကိုယ့်ပတ်ဝန်းကျင်မှာအဆိုးတစ်ခုဖြစ်လာရင် ငါနဲ့မဆိုင်ဘူးလို့ သဘောမထားသင့်ဘူး။ အဲဒီအဆိုးပျောက်အာင် တတ်နိုင်တဲ့နည်းနဲ့လုပ်ရမယ်။ တတ်နိုင်သလောက်လုပ်ရမယ်လို့ သဘောထားသင့်တယ်။ လုပ်ရမယ်။ လူ့အသိုင်းအဝိုင်းကောင်းလာဖို့ လူတိုင်းမှာတာဝန်ရှိတယ်။ အဲဒီလူတိုင်းဆိုတဲ့အထဲမှာ ငါလည်းပါတယ်။ ငါ့မှာတာဝန်ရှိတယ်။ social responsibility ဆိုတာကို နားလည်ဖို့လိုတယ်။ လူမှုရေးတာဝန် လူတိုင်းမှာရှိတယ်။လူ့အသိုင်းအဝိုင်းကောင်းလာဖို့ ကိုယ့်ဖက်ကဘာမှမလုပ်ပဲ ဆိုးနေတာကိုစိတ်ပျက်နေရုံနဲ့ ဥာဏ်ရှိတဲ့လူလို့မဆိုနိုင်ဘူး။ ဒါကြောင့် စိတ်ချမ်းချမ်းသာသာနေချင်တယ်ဆိုရင် လူ့အသိုင်းအဝိုင်းကောင်းလာဖို့ကို လေးလေးနက်နက်စဉ်းစားပြီး တတ်နိုင်သလောက်လုပ်နေပါ။

💦စိတ်တိုစရာတွေကိုကြိုတင်ပြီးမတွေးပါနဲ့💦

💐💐💐
တချို့လူတွေဟာ စိတ်တိုစရာမကြုံခင်ကတည်းက စိတ်တိုစရာဖြစ်လာနိုင်တဲ့အခြေအနေတွေကို ကြိုတင်မှန်းဆပြီးတွေးထားတတ်တယ်။ အဲသလိုတွေးရင်းနဲ့ပဲ ကြိုကြိုတင်တင်စိတ်တိုနေတတ်တယ်။ အဲဒါမျိုးက တစ်ခါတစ်လေ ဘယ်သူမဆိုလုပ်လေ့ရှိပါတယ်။ ဒီဘုန်းကြီးလည်း တစ်ခါတစ်လေလုပ်မိပါတယ်။ ကြိုတင်ပြီးစိတ်ပူမိလို့ တော်တော်စိတ်ပင်ပန်းသွားပြီးမှ ကိုယ်ထင်ထားသလို စိတ်တိုစရာအခြေအနေမျိုးဖြစ်မလာတဲ့အခါ စိတ်ပင်ပန်းခဲ့ရတာတွေဟာ ဘာမှအကျိုးမရှိ အရှုံးသက်သက်ပဲ။ အိပ်ရေးပျက်ရတာသက်သက်ပဲဆိုတာမျိုး ခဏခဏဖြစ်ခဲ့ရပါတယ်။ ဒါကိုသင်ခန်းစာယူပြီး တတ်နိုင်သလောက် စိတ်တိုစရာအခြေအနေမျိုးကိုကြိုတင်မှန်းဆပြီး ကြိုကြိုတင်တင်စိတ်မတိုဖို့ ကိုယ့်ကိုယ်ကိုကိုယ် သတိပေးသင့်တယ်။ စိတ်ပူစရာ၊ကြောက်စရာတွေကို ကြိုတင်ပြီးတွေးနေတာလည်း အတူတူပဲ။

💢ဆရာတော်ဦးဇောတိက💢
     🍃(မဟာမြိုင်တောရ)🍃
၏
💧သတိနဲ့ပြောပါ💧ဒေါသကိုနားလည်ပါ💧အလုပ်တွင်မွေ့လျော်ခြင်း💧
            စာအုပ်မှ
✍🏼ကူးယူဖေါ်ပြပါသည်၊၊✍🏻