🔛 ကျေးဇူးတော်ရှင် မိုးကုတ်ဆရာတော်ဘုရားကြီး အမရပူရမြို့
ဓမ္မာရုံ၌ ဟောကြားတော်မူသော.....

⏩ လူ့သံယောဇဉ်စွန့်မှ နိဗ္ဗာန်ရောက် ⏪
⏩ အလုပ်ပေးတရားတော် ⏪
⏩ { ၂၄ _ ၇ _ ၁၉၆၂ } ⏪ ⏩ အပိုင်း { ၁ } ⏪⏩

🔴 " သူများအရေးထက် ၊ ကိုယ့်အရေး ကြီးပါ " ။
⏩ အားလုံးတရားနာလာကြတဲ့ ဒကာ ဒကာမတွေ  " သူများအရေးထက် ကိယ့်အရေး ကြီးပါ " ဆိုတဲ့ဥစ္စာ သတိပေးလိုက်တယ် ။
⏩ ဩော်...ဘယ်နှယ့်ကြောင့် သူများအရေးထက် ကိုယ့်အရေးကြီးရသတုံး လို့မေးတဲ့အခါကျတော့ ...ကိုယ့်အရေးက
ဝမ်းထဲမှာပေါ်တဲ့ စိတ်တွေက ၊ ပထမရှေးဦး အာရုံတစ်ခုကို သွားမြင်
လိုက်တယ်ဆို ...မြင်စိတ်ကလေးပေါ်တယ်နော် ...( မှန်ပါ ) ။
မြင်စိတ်ကလေး မြင်တယ်ဆိုရင် ဒကာ ဒကာမတွေက ...ဒီသားကလေးကို မြင်သည်နဲ့ တစ်ပြိုင်နက်တည်း " ခင်တယ် " ဆိုတာနောက်ကလိုက်လာတယ် ...( မှန်ပါ ) ။
⏩ ခင်တယ်ဆိုလို့ရှိရင် သာမည ခင်တာလား ...ဩော်...မမြင်ရမနေ
နိုင်အောင် စွဲစွဲမြဲမြဲခင်တာလား လို့ မေးလိုက်ရင် ၊ ဘယ့်နှယ်ဖြေမလဲ
( စွဲစွဲ မြဲမြဲ ခင်တာပါ ) ။ ဒါဖြင့် " တဏှာ " ခင်တာနည်းတယ် ၊
" ဥပါဒါန် " ကခင်တာ စွဲလမ်းတာ များတယ်...( မှန်ပါ ) ။
⏩ အဲဒီတော့ ဒကာ ဒကာမတွေ က ဒါတွေဟာ တို့ ဝဋ်တရားပဲလို့
ဆုံးဖြတ်ချက်ချကြ ...( မှန်ပါ ) ။
တဏှာ ၊ ဥပါဒါန်က " ကိလေသာဝဋ် " ။ ကာယကံ ဝစီကံနဲ့ ပြောလား ၊ ဆိုလား ၊ ပွေ့လား ၊ ချီလား ၊ ပို့လား ၊ ယူလား ဆိုတာတွေက " ကံ " ၏
အလုပ်တွေ ဖြစ်သောကြောင့် " ကမ္မဝဋ် " ၊ သဘောပါပလား ...
( ပါ ပါပြီဘုရား ) ။
⏩ ဒီကမ္မဝဋ် လာရင် ဖြင့် စုတေမနေ ၊ သေလွန်သွားတဲ့ အခါကျတော့
" ဇာတိ " ဆိုတဲ့ " ဝိပါကဝဋ် " မလာပေဘူးလား ...( လာပါတယ်ဘုရား ) ။ ဝိပါကဝဋ် လာတော့ ဒကာ ဒကာမတွေမှာ ဩော်...ကိုယ့်အရေး
ထက် သူများအရေးကြီးလို့ ဝဋ်သင့်ပေါ့ ဆိုရင် လွဲပါ့မလား ...( မလွဲပါ )။
⏩ ဇာတိက အပါယ်ပဋိသန္ဓေ ၊ ငရဲဇာတိ ဆိုရင် ငရဲကောင်ကြီး သွား
ဖြစ်တယ် ၊ တိရစ္ဆာန် ဇာတိဆိုရင် ခွေးဖြင့်လည်း ခွေးဝမ်းထဲ သွားပြီး
ပဋိသန္ဓေ နေလိုက် ၊ ကြောင်ဖြင့် ကြောင်ဝမ်းထဲသွားပြီး ပဋိသန္ဓေ နေလိုက် ဆိုတော့ ဇာတိဟာ ကောင်းသေးရဲ့လား ...( မကောင်းပါ ) ။
ဒါဖြင့် ဒါဟာ ဝဋ်သင့်တာ ဆိုရင် လွဲသလား...( မလွဲပါဘူး ) ။
⏩ သေသေချာချာ မှတ်ပါ ဒကာ ဒကာမတွေ ၊ ကိုယ့်အရေးထက်
သူများအရေးကြီး မိတာနဲ့ ဝဋ်သင့်တာ ...( မှန်ပါ ) ။
⏩ ဝဋ်သင့်တော့ ဘုန်းကြီးက ပြောလိုက်ပါတယ် ဒကာ ဒကာမတွေ
ဥပမာ...အပါယ်ကျတယ် ၊ တိရစ္ဆာန် ဝမ်းထဲ ပဋိသန္ဓေ နေတယ် ၊
သားတွေ သမီးတွေက တို့အမေ အဖေဟာ ဟေ့ ...တို့ကို အင်မတန်
ကြောင့်ကြတယ် ၊ တို့ကို အင်မတန် ခင်ရှာတယ် ၊ အဲဒီတော့ ....
တို့ ဆွမ်းကလေး ဘာကလေး ကျွေးပြီး အမျှကလေး ဘာကလေး
ဝေကြဦးစို့ ဆိုပြီးတော့ သူတို့က ဝဋ်သင့်တဲ့ ပုဂ္ဂိုလ် ကြွေးဆပ်တာပေါ့ဗျာ ....
⏩ ဝဋ်သင့်တဲ့ ပုဂ္ဂိုလ် ကြွေးဆပ်တော့ တိရစ္ဆာန် ရောက်တဲ့ပုဂ္ဂိုလ်က
သာဓု မခေါ်နိုင်ဘူး ၊ ငရဲရောက်နေတဲ့ ပုဂ္ဂိုလ်ကကော ...( မခေါ်နိုင်ပါ ဘူး ) ။ ဒါဖြင့် သူတို့ကြွေးဆပ်တာကော ခံစားရရဲ့လား လို့ မေးရင်
ဘယ့်နှယ်ဖြေမလဲ ....( မခံစားရပါဘူး ) ။
⏩ ဒါ ဖြင့် ဒကာ ဒကာမတွေ ...ကိုယ့်အရေးထက် သူများအရေးကြီးမိတာနဲ့ အမျှဝေလို့ မရတဲ့ နေရာ ဋ္ဌာနတောင် ရောက်
ပေါ့ ...မနာဘူးလား ...( နာပါတယ် ) ။ အင်မတန်နာတယ်ဆိုတာ ....
ဒကာ ဒကာမတွေ ပေါ်ကြပလား ...( ပေါ်ပါပြီ ) ။

🔴 ဆရာသမားဆိုတော့ အကုန်ဆုံးမရမယ် ။
⏩ မင်းတို့က အလကားနေရင်း သားကြောင့်ပြုံး ၊ သမီးကြောင့်ပြုံး ၊
ပစ္စည်းကြောင့်ပြုံး ၊ အကြောင်းကလေး ညီညွတ်လာရင် ...ကံကလေး
ထောက်မသေးလို့ တော်ပဲ တော်သေးရဲ့ကွာ...လို့လုပ်မနေနဲ့ ။
ဝိပဿနာ မလုပ်ရသေးရင် ဘာမှ အရင်းမပါသေးဘူးလို့မှတ် ....။
⏩ ဩော် ...တို့ ကျောင်းလည်း ဆောက်ရ ၊ ဘုရားလည်း တည်ရ ၊
ရွှေချရနဲ့မို့ ...ဟုတ်လှပြီလို့များ လုပ်မနေကြနဲ့ ဦးနော် ။ ဒါလောက်
မဟုတ်သေးဘူး ၊ ဝမ်းထဲမှာ ပဋိစ္စသမုပ္ပါဒ် ကပြတ်ရဲ့လား ...
( မပြတ်ပါဘူး ) ။ " မဂ် " မပါရင် ပြတ်နိုင်ပါ့မလား ..( မပြတ်နိုင်ပါဘူး ) ။
⏩ အဲဒီတော့ ဒကာ ဒကာမတွေ အရေးကြီးတာက ပဋိစ္စသမုပ္ပါဒ်
ပြတ်ဖို့ အရေးကြီးပါတယ် ၊ ရှင်းပလား ....( ရှင်းပါပြီ ) ။
⏩ အဲဒီတော့ ဒါကို အရေးတကြီးထားပြီး ...ပြတ်ဆိုတာကလည်း
ဝိပဿနာ ရှုမှ ပြတ်ပါတယ် ။ ဝိပဿနာ မရှုရင် ...( မပြတ်ပါဘူး ) ။
⏩ အဲဒါကြောင့် ဒကာ ဒကာမတွေ ၊ ဘိက္ခဝေ= ချစ်သားတို့ ၊
ဈာယထ = ဝိပဿနာ ရှုကြပါတဲ့ ။ ယခုပြောတဲ့ စကားက ၁၇၉၂ ကြိ်မ်
နော် ။ မာပမာဒတ္ထ = သားရေး ၊ သမီးရေး ၊ စီးပွားရေးကြောင့် မေ့မနေ
ကြပါနဲ့ .....( မှန်ပါ ) ။ ပစ္ဆာ = သေရာညောင်စောင်း လျောင်းစက်တဲ့
အခါ ကာလ၌ ၊ ဝိပ္ပဋိသာရိနော = ဩော် ...ငါနေခြင်းဆိုး နေခဲ့လို့ သေခြင်းဆိုး ဖြင့်ကြုံပေါ့လို့ နှလုံး မသာယာ ခြင်း ရှိကြကုန်သည် ၊
မာအဟုဝတ္ထ = မဖြစ်ကြကုန်လင့်တဲ့ ....(.မှန်ပါဘုရား ) ။
ဧဝံ = ဤသို့မှာခြင်းသည် ၊ ဝေါတုမာကံ = သင်ချစ်သားတို့အား ၊
အမှာကံ =.ငါဘုရားတို့၏ ၊ အနုသာသနီ = ဆုံးမ မှာကြားခြင်းပါပေတည်း ဆိုတဲ့ ဥစ္စာ ဟောတော်မူတယ် ...( မှန်ပါ ) ။
ပေါ်ကြပလား ....( ပေါ်ပါပြီ ) ။
⏩ ဒါဖြင့် ဒကာ ဒကာမတို့ ဘာအရေးကြီးပါလိမ့် ...( ကိုယ့် ..အရေးကြီးပါတယ် ) ၊ အရေးကြီးတော့ ဘာလုပ်ရမလဲ .....
( ဝိပဿနာ အလုပ် ၊ လုပ်ရပါ့မယ် ) ...........။

⏩ အပိုင်း { ၂ } တွင် ဆက်လက် နာကြားကြပါရန် ⏩⏩

💟 စေတနာ မေတ္တာများစွာဖြင့် 💟

*** ဦး ကြည် စံ ***