🔺🔺🔺
လောက၌ အကျိုး ဖြစ်ထွန်းလိမ့်မည်ဟု ယုံကြည်ချက်မရှိသူ,
မကျန်းမာသူ, ပျင်းသူ, ဉာဏ်မရှိသူများကား ဉာဏ်ဖြင့် လုပ်ရမည့်အလုပ်မျိုးကို လုပ်လိမ့်မည်မဟုတ်၊
လုပ်သော်လည်း ဖြစ်မြောက်အောင် ပြုစွမ်းနိုင်မည်မဟုတ်။
ယုံကြည်ချက်ရှိသူ, ကျန်းမာသူ, ဝီရိယရှိသူ, ဉာဏ်ရှိသူများသာ ထိုအလုပ်မျိုးကို ဖြစ်မြောက်အောင် လုပ်နိုင်ကြ၏။
ဓမ္မအရာ၌လည်း ဤနည်းပင် ဖြစ်သည်။
ဤအချက်ကို မဇ္ဈိမပဏ္ဏာသ ဗောဓိရာဇကုမာရသုတ် ၂၉၇
ဖြင့် သိအပ်၏။
ထိုသုတ်၌ ဗောဓိမင်းသားက "အရှင်ဘုရား ဘုရားမြတ်ဟူသော ဆုံးမနည်းညွှန်မည့် ပုဂ္ဂိုလ်ကိုရသောရဟန်းသည်
ဘယ်လောက်ကြာမှ အရဟတ္တမဂ်ဖိုလ်ကို ရပါသနည်း" ဟု
လျှောက်သော်… "သင် ဆင်စီး ချွန်းကိုင်အတတ်ကို
တတ်သလော" ဟု မေးတော်မူရာ "တတ်ပါကြောင်း"
လျှောက်၏။ "လူတစ်ယောက်သည် သင့်ထံ ဆင်စီးချွန်းကိုင်
အတတ်ကို သင်မည်ဟု လာ၏၊ ထိုသူကား ယုံကြည်မှုလည်း
မရှိ၊ ကျန်းလည်း မကျန်းမာ၊ ကောက်ကျစ်လှည့်ဖျားတတ်သူလည်း ဖြစ်၏၊ ပျင်းလည်း ပျင်း၏၊ ဉာဏ်လည်း မရှိ၊
ထိုသူမျိုးကို ဖြစ်မြောက်အောင် သင်, သင်နိုင်ပါမည်လော" ဟု မေးတော်မူ၏။
"မှန်ပါဘုရား .. ဤအင်္ဂါ ငါးပါးအနက် တစ်ပါးပါးနှင့်
ပြည့်စုံနေလျှင်ပင် သင်နိုင်မည်မဟုတ်ပါ ဘုရား၊ ငါးပါးလုံး
ပြည့်စုံနေလျှင်ကား ဆိုဖွယ်မရှိတော့ပါဘုရား" ဟု လျှောက်
လေ၏။
ထိုအခါ ဘုရားရှင်က "တစ်ယောက်ယောက်ကား
ယုံကြည်ချက်ရှိသူ, ကျန်းမာသူ, ဖြောင့်မတ်သူ, မပျင်းမရိကြိုးစားတတ်သူ, ဉာဏ်ရှိသူ ဖြစ်၏၊ ထိုသူကိုကား သင်ကြား
တတ်မြောက်နိုင်ပါမည်လော" ဟု မေးပြန်သော်"
"မှန်ပါဘုရား .. ထိုသူမျိုးမှာ တစ်ခုခုသောအင်္ဂါနှင့်
ပြည့်စုံလျှင်ပင် သင်ကြားတတ်မြောက်နိုင်ပါ၏ ဘုရား၊
ငါးပါးလုံး ပြည့်စုံပါမူကား ဆိုဖွယ်မရှိတော့ပါဘုရား" ဟု
လျှောက်လေ၏။
"မင်းသား ထို့အတူပင် တရားအားထုတ်သူဖြစ်ကြောင်းအင်္ဂါ
(ပဓာနိယင်္ဂ) များကား ငါးပါးတို့တည်း။
ဘုရား၌ ယုံကြည်သော သဒ္ဓါရှိခြင်း, ကျန်းမာခြင်း, မစဉ်းလဲ
မလှည့်ဖြား မိမိအဖြစ်မှန်ကို တင်ပြတတ်ခြင်း, အားထုတ်မှု
ရှိခြင်း, ပညာရှိခြင်းတို့ ဖြစ်၏။ ဤငါးပါးနှင့် ပြည့်စုံသော်
တရား လျင်မြန်စွာ ရနိုင်၏" ဟု ဟောတော်မူသည်။
ထို့ကြောင့် ဤ၌ သက္ကော= စွမ်းနိုင်သူဆိုသည်မှာ
ထိုပဓာနိယင်္ဂတရားငါးပါး ပြည့်စုံသူ ဖြစ်ရမည်ဟု
သိအပ်သည်။
* ယုံကြည်သဒ္ဓါ ၊ ကျန်းမာခြင်းတွဲ ၊ စဉ်းလဲမပြု ၊
အားထုတ်မှုပါ ၊ သိပညာ ၊ ပဓာနိယင်္ဂငါး။
"ကျေးဇူးတော်ရှင် သပြေကန်ဆရာတော်ဘုရားကြီး"
🙏🏻 🙏🏻 🙏🏻
No comments:
Post a Comment